Finantzazio zoragarri batengatik, zinearekin bat

25/09/2024

Donostiako Zinemaldiak askorako ematen du. Luzemetrai ikusgarriak eta baita, bihotza hunkitzen diguten dokumental erakargarriak. Horiekin ere bagaude, #LauHaizetara lehiaketa bultzatzen dugulako eta baita, Best Pitch 2024 kategorian, `Barrabas´ lanari saria eman ere. Gure Gipuzkoako Zuzendaria, Rakel Martin beraiekin egon da, SSIFFak duen sari banaketetako batean.

Donostiako Zinemaldiaren bihotzean, egun paregabea bizi izan dugu gaur, inbertitzaileak zinemarekin lotu dituena. Topaketa baino gehiago, ikus-entzunezko industria babesteko eta hazteko modu berriak irudikatzeko aukera izan da, Elkargiren finantza babesa eta bermea duten proiektuak bultzatuz.

Elkargik inbertsioa bultzatzen du ikus entzunezkoen industrian

Zinemaren magia are hurbilago sentitzen da haren potentzialean sinesten dutenek bat egiten dutenean etorkizun komun bat eraikitzeko. Jardunaldi hau “Soy Nevenka” filmaren proiekzio pribatuarekin hasi da Principe Zinemetan, areto handietara iritsi aurretik. Proiekzio esklusibo honetan, film batez gozatzeaz gain, ikus-entzunezko sektorearentzat finantza laguntzak duen garrantziari buruzko hausnarketa ere egin dugu. Koldo Zuazua Kowalski Filmseko produktore eta PIAFeko (Ikus-Entzunezko Ekoizle Independenteen Federazioa) presidenteak, EPE-IBAIA elkartearen ordezkari gisa, Elkargik ekoizpenen finantzaketan jokatzen duen funtsezko papera azpimarratu du: “Finantzaketa erronka handia da filmak muntatzeko. Elkargiren figura funtsezkoa da; izan ere, finantza-eragiketak bermatzeaz gain, ekoizleak enpresariekin konektatzen ditu, eta izugarri errazten du zinema-proiektuak egitea”.

Bestalde, Javier Aparicio Elkargiko abokatu fiskalak zehaztu duenez, “Elkargik” giltza eskuan “produktu bat eskaintzen du, arriskua minimizatzen duena eta beharrezko segurtasun fiskal guztia ematen duena. Gainera, inbertitzaileari % 20ko errentagarritasun gordina bermatzen diogu, gure bermeak babestuta. Ikuspegi honek, arriskuak murrizteaz gain, ikus-entzunezko proiektuak inbertitzaileentzat askoz erakargarriagoak egiten ditu. “

“Soy Nevenka” filmaren proiekzioa: inbertitzaileentzako begirada intimoa

Proiekzioaren ondoren, San Telmo Museora joan gara, non proiektuek bizia hartzen duten. Bertan, Industria Saileko lantaldearekin batera, Koprodukzio Foroaren balioa aurkitu dugu. Leiho horretan, garatzen ari diren film luzeen proiektuek hurrengo urratsera eramango dituzten bazkideak eta koekoizleak aurkitzen dituzte.

Loturak sendotzea: sormenean eta lankidetzan inbertitzea

Jardunaldiaren amaieran, ohiko pintxo-potea ez da etenaldi bat bakarrik izan; harremanak sendotzeko, aliantza berriak sortzeko eta ikus-entzunezkoen sektorean inbertsioak eskaintzen dituen aukera amaigabeak aztertzeko aukera izan da. Izan ere, topaketa bakoitzaren atzean sormenaren eta lankidetzaren aldeko apustua dago, inbertitzaileak zein sortzaileak bultzatzen dituzten balioak.

Elkargiren konpromisoa zinemarekin: bizia hartzen duten istorioak

Elkargitik, inbertsioak istorioei bizia nola eman diezaiekeen ikusi dugu. Ekoizpen zinematografikoak — filmak, film laburrak eta serieak — eta horiekin lotutako zerbitzuak finantzatzen lagundu dugu, 30 milioi eurotik gorako inbertsioarekin. Konpromiso horrek proiektuak babesteaz gain, konfiantzazko eta egonkortasunezko ingurune bat sortzen du, ideia bakoitza mundu osoko entzuleak hunkituko dituen errealitate bihur dadin.