“Familia enpresak aberastasuna eta sustraitzea sortzen du” Elkargiren jardunaldiaren ondorioa

28/03/2025

Euskadiko familia-enpresetako 60 ordezkari baino gehiago bildu dira Elkargik antolatutako jardunaldi profesional honetan. Bertan, agerian geratu da familia-enpresak gure enpresa-sarean duen garrantzia, aurre egin beharreko arazo espezifikoak zein dituzten eta balio ekonomiko zein ukiezin handikoak diren proiektu horiek hazteko dauden aukerak ere.

Ibilbide luzeko eta, oro har, 300 pertsona inguru enplegatzen dituzten bi familia-enpresak, Embalan3 eta Lacor Ibili, beren esperientzia partekatu dute Elkargik antolatutako familia-enpresaren errealitateari buruzko jardunaldi profesional honetan. Gure enpresa-ehuna txikia-ertina da gehienbat, eta, kasu askotan, familia-proiektuak. 10etik 8 dira, enpleguaren % 65 sortzen dute eta gure BPGren zati handi bat dira. Errealitate horren jakitun, Elkargik bi hamarkada baino gehiago daramatza familia-enpresara bideratutako zerbitzu espezifikoak ematen.

Txosten batzuek azpimarratzen dute familia-proiektuen tipologia honetako enpresa asko ixtearen arrazoi nagusia, gertatzen denean, gobernantzarekin edo jabetzarekin lotutako gaiekin lotuta dagoela, eta ez hainbeste negozioarekin, salmentekin edo aktibo ukigarrietan egindako inbertsioekin.

Horretaz guztiaz hitz egiteko, Elkargik erreferentziazko bi enpresa bildu ditu. Embalan3, enbalaje jasangarriko soluzioetan espezializatua, eta Lacor Ibili, 75 urte baino gehiagoko historia duen sukaldeko tresneriaren fabrikazioan erreferentea. Biek beren bilakaeran zehar ibilbide luzea dute, aurre egin behar izan dituzten erronkak aipatu dituzte eta iraunkortasuna ez ezik, merkatu bakoitzean izandako hazkunderako emandako erabakiak nabarmendu ditzute ere.

Bertako arduradun nagusiek, Ion Alberdik eta Izaskun Larrañagak, Mikel Alberdi Elkargiko enpresa familiarraren arloko arduradunarekin solasaldia izan dute. Azken bi hamarkadetan horrelako konpainiei laguntzeko Elkargik egin duen lana azaldu du Alberdik. Halaber, adierazi duenez, “familian inbertitzea eta kide guztiak inplikatzea da kohesioa sustatzeko eta negozioari jarraipena emateko formularik onena”. Azpimarratu duenez, “denborarekin eta plangintzarekin egin beharreko prozesua da”.

Bestalde, Lacor Ibili Taldeko kontseilari delegatu Izaskun Larrañagak adierazi duenez, “familia enpresak, bere ingurunean aberastasun ekonomikoa izateaz gain, errotzea sortzen du. Denbora ematen dugu ukiezinen kudeaketan, familia-harremanean eta proiektuarekin duten bizikidetzan, hori baita gure balioek epe luzean iraun dezaten formularik onena. Gure enpresa familiako kide bat gehiago da “, gaineratu du.

Ion Alberdik, Embalan3 enpresako zuzendariak, Izaskunekin partekatu du ikuspegia, izan ere, adierazi duenez, “familia-enpresa proiektu bat baino askoz gehiago da, sentimendu bat da eta horren alde ere lan egiten da. Gure proiektuaren balioa, aktiboarekin batera, adierazten duen horretan dago. Balioak, identitatea eta sustraitzea dira. Belaunaldiz belaunaldi hartutako konpromisoa da “. Era berean, gogorarazi du nola landu zuten beren proiektuaren jarraipena, ondorengotza-prozesua planifikatuz, familia-protokolo baten bitartez

Gobernantza eta ondorengotzari etorkizuneko ikuspegiarekin nola heldu izan da jardunaldi profesionalaren gaiaren ardatza. Hori guztia magnetismo berezia eta enpresa familiarra duen ingurune batean, Chillida Leku Museoan, hain zuzen ere. Mikel Chillida negozio garapeneko zuzendariak ongietorria eman die bertaratuei, eta bisita gidatu baten bidez lagundu die. Halaber, gogorarazi du Eduardo Chillida eta Pilar Belzunce binomiotik sortu zela biek sortutako “familia enpresa”. Aldi berean, Eduardoren jaiotzaren mendeurrena ospatu ondoren, aurten Pilarren jaiotzaren mendeurrena dela azaldu du, eta gogorarazi du ere “Pilar Belzuncek, amatxiak, Eduardok sortu zuen guztiaren ideiak gauzatzeko, kudeaketa kontrolatzeko eta ikuspegi finantzarioa pertsonifikatzen du, haren babesik gabe Eduardoren nazioarteko arrakasta ez zatekeen berdina izango”.

Elkargik ondorioztatzen du enpresa sortzea ideia bat eraikitzen eta gauzatzen jakitea ere badela, proiektu bakoitzaren sustraia indartzen duten laguntza onekin. Finantza-arloan eta familia-enpresan Elkargik enpresa-ehunarekin bete dezakeen zutabe hori aurkitzen jakitea da.