Berriak
500 Euskal txiki eta ertainek lortuko dute ESG EUS...
Eusko Jaurlaritzak eta Elkargik, elkarrekin, jarri dute abian “ESG Eus...
11/02/2021
Elkargik eta Bizkaiko Foru Aldundiak “finantzaketa-programa” bat abian jartzea adostu dute, Bizkaiko enpresek digitalizazio- eta jasangarritasun-proiektuei ekin ahal izateko, 400.000 euroko foru-ekarpenetik abiatuta. Ekimenak, Elkargiren kaudimenari mesede eginez, lurraldeko enpresa-sare osorako maileguak ematen lagunduko du.
Elkargik eta Ekonomia Sustatzeko Sailak, aldi berean, enpresei finantza-diagnostikoa eskaintzen dien zerbitzu berria bultzatu nahi izan dute. Hobaridun zerbitzua da eta eskaerak egiteko epea otsailaren 15era arte egongo da zabalik.
Bizkaia, 2021ko otsailak 11. Bizkaiko Foru Aldundiak eta Elkargi finantza-erakundeak bi tresna berri aurkeztu dituzte gaur, bi erakundeek, lankidetza publiko-pribatutik abiatuta, lurraldeko enpresei laguntzen jarraitzeko abian jarri dituztenak: trantsizio digitalaren eta enpresa-kudeaketari aplikatutako jasangarritasunaren garapenaren esparruko proiektuetarako finantzaketa-programa bat, bai eta finantza-diagnostikoa behar duten ETEentzako zerbitzu berri bat ere.
Ainara Basurkok, Ekonomia Sustatzeko diputatuak, eta Zenón Vázquezek, Elkargiko zuzendari nagusiak, bi tresna berri horien xehetasunak eman dituzte; ekimen hauekin lurraldeko enpresa txiki eta ertainei egoera ekonomiko zail honi aurre egiteko eta eragin eta eraldaketa handiko proiektuak bultzatzeko baliabide eraginkorrak ematea itxaroten da, bai eta enpresa horiei behar duten ezagutza ematea ere, garapenean hobetzeko aukerak hautemateko.
DIGITALIZAZIORAKO ETA JASANGARRITASUNERAKO FINANTZAKETA
Egungo egoeran, eta etorkizunari aurre egiteko, Bizkaiko Foru Aldundiak eta Elkargik beharrezkotzat jotzen dute ETEei funtsezko bi bektoretan laguntzea, gure enpresek horietan inbertitu behar baitute etorkizunari arrakasta-berme gehiagorekin aurre egiteko: digitalizazioa eta jasangarritasuna, gure enpresak lehiakorragoak izan daitezen nazioarteko inguruneetan.
Horretarako, Aldundiaren eta Elkargiren arteko lankidetzari esker, ETEei proiektu berriak abian jartzeko finantzaketa egokia eskuratzeko aukera emango zaie. Hain zuzen ere, finantzaketa eskuratzearen puntu horretan frogatu da Elkargik finantza-aliatu gisa duen eginkizuna, eraginkortasuna frogatuta duen tresna moduan.
Hori dela eta, Bizkaiko Foru Aldundiak 400.000 euro jarri ditu Elkargiren finantza-kaudimena hobetzeko. Horri esker, Bizkaiko enpresa-sarearen digitalizaziora eta garapen jasangarrira bideratutako proiektuetarako maileguak eman ahal izango ditu.
FINANTZA-FUNTZIOA DIAGNOSTIKATZEKO ZERBITZUA
Ingurune ekonomikoa eta, beraz, merkatuak azkar aldatzen direnez, are beharrezkoagoa da enpresaren operatibaren finantzaketa-beharren diagnostiko eguneratua izatea. Horregatik, Ekonomia Sustatzeko Sailak, Beazen bidez eta Elkargirekin lankidetzan, enpresa txiki eta ertainei zuzendutako zerbitzu berri bat abian jartzea erabaki du, Finantza-Funtzioaren Diagnostikoa izenekoa.
Helburua da enpresaren egoera ekonomiko-finantzarioari eragiten dioten aldagaiak aztertzea eta hobetzeko aukerak hautematea diruzaintzari, likideziari, kostuei, finantzaketa-estrategiei, txostenei eta kudeaketa-adierazleei dagokienez. Azterlan horrek, datuetan oinarrituta, hobetzeko aukerak detektatzen lagunduko du, tentsio ekonomikoak arindu eta konponbideak bilatuko dituztenak, finantza-kudeaketa eraginkorraren bidez.
Zerbitzua 5 eta 100 enplegu bitarteko enpresa txiki eta ertainentzat , urtean 1 eta 5 milioi euro arteko fakturazio-bolumena dutenentzat, pentsatuta dago. Zerbitzuaren kostuak %67ko hobaria du, otsailean jarriko da abian da eta hiru edo lau hilabetez luzatuko da.
Zerbitzu hori Elkargi bere EFK dibisioari ematen ari zaion bultzadaren ondorioz sortu da, eta hainbat zerbitzu eskaintzen ditu: controlling-a, KPIak eta diruzaintza, balorazioak, familia-enpresarentzako zerbitzuak, dirulaguntzen kudeaketa edo Metixa (kanbio-tasaren eta lehengaien estaldurak kudeatzeko zerbitzua eta beste finantza-zerbitzu batzuk).
