BBVAk eta Elkargik akordio bat sinatu dute Espainian enpresa txiki eta ertainen finantzaketa bultzatzeko 

29/10/2024

Bi erakundeek lankidetzan jardungo dute Espainiako enpresa txiki eta ertainen eskura 88 milioi euro jartzeko eta baita, haien beharretara egokitutako finantza-produktuak ere, hazkundea errazteko eta lehiakortasuna hobetzeko. 

Bilbao, 2024 urriak 29 – BBVAk eta Elkargik urriaren 29an sinatu dute akordioa, BBVAren Bilboko egoitzan. Bertan Marta Alonso Blanco BBVAren Ipar Lurralde zuzendaria eta Zenón Vázquez Irizar Elkargiko zuzendari nagusia izan dira, eta enpresa txiki eta ertainei finantza-laguntza ematea bultzatuko duen akordioa sustatzeko. 

Akordio honen helburua da enpresa txiki eta ertainei 88 milioi euro eskaintzea da Elkargik abalatutako eragiketetan, eragiketa bakoitzeko milioi bat euroko gehieneko zenbatekoarekin. Horrela, enpresa txiki eta ertainek finantzaketa baldintza lehiakorragoak lortzeko duten gaitasuna indartu nahi da. 

Marta Alonso Blanco BBVAren Ipar Lurralde zuzendariak adierazi duenez, “Elkargirekin egindako akordio honek enpresa txiki eta ertainen aldeko apustu sendoa indartzen du, ezinbestekoak baitira hazkunde ekonomikorako eta enplegua sortzeko. BBVAk finantzaketa, konponbideak eta aholkularitza eskaintzen dizkie mota honetako enpresei, prozesuak errazteko eta erabakirik onenak hartzeko “. 

Bestalde, Elkargiko zuzendari nagusi Zenón Vázquez Irizarrek adierazi duenez, “BBVArekin akordio hau sinatzeak, gure erakundearen bazkide babeslea izateaz gain, enpresen eskura jartzen dugun konponbide sorta zabaldu eta indartzen du. Enpresa txiki eta ertainetatik sortutako erakundea garen aldetik, finantza-egitura indartzearen aldeko apustua egiten dugu, enpresa-lehiakortasunaren iturri gisa “.

Enpresa sarearekiko konpromisoa 

Hitzarmen horren bidez, BBVAk enpresa-ehunarekin duen konpromisoa indartzen du, enpresa txiki eta ertainei haien hazkundea eta sendotzea bultzatuko duten finantza-produktu espezializatuak eskuratzeko aukera emanez. Akordio hori BBVAren estrategiaren barruan sartzen da. Estrategia horren arabera, ETEak ekonomiaren funtsezko eragileetako bat dira, eta lehiakortasuna hobetzeko eta egungo erronkak gainditzen laguntzeko tresnak ematen dizkiete. 

Elkargik, bestalde, bere 23.000 enpresa bazkideri baino gehiagori ematen dien aholkularitza ekonomiko-finantzarioa areagotuko du, haien finantza-beharretan laguntzeko eta kudeaketa ekonomiko-finantzarioa optimizatzeko, lehiakortasuna hobetuz. 

Hitzarmen horretaz gain, BBVAk ekimen berritzaileen aldeko apustua egiten jarraitzen du, enpresa txiki eta ertainen egunerokoa sinplifikatzeko eta ordainketak modu eraginkorragoan kudeatzeko. Irtenbide digital horiek, aholkularitza espezializatu batekin batera, BBVAk ETEen hazkunderako eta jasangarritasunerako bazkide estrategikoa izateko duen konpromisoa berresten dute, haien garapenaren etapa bakoitzean lagunduaz.