Elkargi, Egoin Taldearen hazkunde-proiektuko erakunde pribatu nagusia

Elkargik fondeo pribatuaren hornitzaile nagusi gisa parte hartu du Egoin egurra eraikitzeko enpresak Bizkaian egin duen inbertsio-eragiketan.

Egoin Taldeak, finantza-eragiketa honen bidez, zuraren ekoizpena handitzea eta enplegu berriak sortzea aurreikusten du. Hazkunde-aurreikuspen hori posible izango da, inbertsio garrantzitsuak egingo baititu Araban lantegi berri bat erosteko, instalazioak birmoldatzeko eta teknologia aurreratuagoak sartzeko.

Eta eragiketa horretan, Elkargi 3,6 milioi euroko finantzatzaile kopuruaren funtsezko zatia izan da, eta, horri esker, gainerako finantza-erakundeek eragiketa horrekin bat egin dute. Zehazki, Elkargik 3 milioi euroko finantzaketa egituratu eta koordinatu du, industria-finantzaketa alternatiboko bere produktuaren bidez (FINdustria), Egoin Taldearen makineriaren gainean epe luzera egindako eragiketa baten bidez (salerosketa eta ondorengo alokairua). Gainera, Elkargik beste 600.000€ egituratu ditu Berrikuntza Funtsaren bitartez.

Egoin Taldeak hasitako hazkunderako inbertsio-eragiketa horri esker, Ean egoitza duen enpresak jauzi kualitatiboa egin ahal izango du kontraijeztutako zuraren ekoizpenean, Estatu osoko ekoizle nagusi bihurtu eta 2025erako fakturazioa bikoiztu arte. Elkargik, bere aldetik, paper aktiboa izan du prozesu osoan, finantzazio alternatiboko irtenbide bat aurkeztuz, « Findustriaren » bidez. Dibertsifikazio finantzarioaren adibide argia da hori, Elkargik ekoizpen-sektoreetako enpresa ertain eta handien zerbitzura jartzen baitu.